BayKhwab Nama

Khwab mein Badshah Ka Islam Dekhnay Ki Tabeer

Advertisement

Khalifa-Badshah-Ka-Islam

Khwab mein Badshah Ka Islam Dekhnay Ki Tabeer,

Hazrat ibn e sereen rahmatullah alaihe nay farmaya hai keh agar koi khawab main khalifa ko rokshada dekhay, daleel hai keh deen aur duniya ki khair us ko pohanchegi, aur agar dekhe keh khalifa nay us ko khaas kamon main se kisi kaam ka hukam diya hai daleel hai keh izzat aur buzurgi aur martaba paega, aur agar dekhe keh khalifa nay us ko koi walayet di hai, daleel hai keh musalman hai to sharaf aur buzurgi paeg, aur agar dekhay keh khalifa kay mahal main gia hai, daleel hai keh us kay maqarbon main se hoga, aur agar dekhay keh khalifa nay us ko duniya kay asbaab main se kuch diya hai to daleel hai keh martaba paega aur ameeron main bada naam payega.

Hazrat ibrahim karmani rahmatullah alaihe nay farmaya hai keh agar dekhay keh khalifa nay us kay sath kisi sharyee kaam main jhagra kia hai daleel hai keh us ki murad puri hogi aur dushman par fatah paega.

Aur agar dekhay keh bistar par bajaye khalifa kay soya howa hai daleel hai keh us ko khalifa aurat ya kaneez ya maal dega aur agar dekhay keh khalifa kay pichay ghoday par baitha hai daleel hai keh khalafat main us kay sath shareek hoga, aur agar dekhay keh khalifa aagay ya us kay pehloo main chal raha hai to daleel hai keh us kay kamon main mukhtaar hoga, aur agar dekhay keh khalifa us kay sath tarash roo hai daleel hai keh us kay deen main khalal hoga.

Hazrat jabar maghrabi rahmatullah alaihe nay farmaya hai keh agar dekhay keh khalifa ho giya hai, halankay khalafat ka ehal nahin hai, daleel hai keh khalifa us ko kisi kaam par bhaijega aur agar dekhay keh khalifa nay us ko kisi kaam par bhaija hai, daleel hai keh wo khair o manfat paega.

Hazrat jafar sadiq razi ALLAH hu anha nay farmaya hai keh agar koi khalifa murdah ya zinda ko dekhay aur khush hai aur us kay sath baten ki hain, daleel hai keh us ko murad hasil hogi, aur izzat paega, aur agar khalifa ko ghamnak dekhay to us ki taveel awwal kay khilaf hai.

Advertisement

Leave a Reply

Your email address will not be published. Required fields are marked *

Back to top button