BayKhwab Nama

Khwab mein Battakh Dekhnay Ki Tabeer

Advertisement

Battakh

Khwab mein Battakh Dekhnay Ki Tabeer,

Hazrat ibn e sereen rahmatullah alaihe nay farmaya hai keh khawab main battakh (duck) dekhna maal aur naimat ki daleel hai, khaas kar agar apnay ghar aur apni mulk ko dekhay to usi qadar payega, aur agar dekhay keh bohat si battakhain ducks us kay ya kocha main jama hoi hain aur bolti hain to daleel hai keh us moza main museebat o aafat paregi.

Aur agar dekhay keh battakhain yani ducks us se baten karti hain to daleel hai keh maaldar aurat kay ba’as safar karega aur us main izzat aur faida payega.

Hazrat karmani rahmatullah alaihe nay farmaya hai keh khawab main battakh yani duck dekhna ehl-e-bait main se aik buzurg mard maal aur hashmat wala hota hai aur agar dekhay keh us se kuch paya hai to daleel hai keh usi sifat kay admi se kuch payega.

Hazrat jafar sadiq razi ALLAH hu anha nay farmaya hai keh khawab main safaid battakh yani white duck dekhna maal hota hai ya maaldar aurat hoti hai, aur siyah battakh khawab main dekhna kaneez hai.

Aur agar khwab main dekhay keh battakh ko mara aur us ka goshat khaya hai to daleel hai keh aurat ka maal warasat main payega aur zaya karega.

Advertisement

Leave a Reply

Your email address will not be published. Required fields are marked *

Back to top button