BayKhwab Nama

Khwab mein Beeni Naak Dekhnay Ki Tabeer

Advertisement

Beeni

Khwab mein Beeni Naak Dekhnay Ki Tabeer,

Hazrat daniyal alaihissalam nay farmaya hai keh khawab mein naak ka dekhna izzat aur martabay ki daleel hai aur jis qadar us main wo ziyadati aur nuqsan dekhe ga dekhanay waly ki qadar aur martabay par daleel hai.

Aur agar dekhay keh us ki naag giri hoi hai to daleel hai keh qadar aur martabay se girega, aur agar dekhay keh us ki naak ka surakh farakh ho gia hai to daleel hai keh us par maeeshat farakh hogi aur agar surakh tang ho gia hai to daleel hai keh us ki maeeshat tang hogi.

Hazrat ibn e sereen rahmatullah alaihe nay farmaya hai keh agar koi shakhs dekhe keh us ki naak se maghaz nikla hai to daleel hai keh sardar se nafa paega.

Aur agar dekhe keh us ki naak se keera ya makhi wagera koi janwar nikla hai to daleel hai keh us kay han Larka aega aur agar dekhe keh us ki naak me surakh hai aur us me mahaar pari hoi hai to daleel hai keh logon ki tawaza karega, ya kisi buzurg aurat se malap hoga aur us se maal-o-naimat payega.

Aur agar khawab mein dekhay keh us ki naak ka sara bandha howa hai, chunancha wo dam nahin le sakta to daleel hai keh us ka kaam ruk jaega, aur agar dekhay keh baat naak main kehta hai to daleel hai keh us ki dolat zail hogi aur agar dekhe keh us ki naak ki konpal ka chamra howa hai to daleel hai keh us ko nuqsan hoga.

Hazrat jabar maghrabi rahmatullah alaihe nay farmaya hai keh agar koi khawab mein dekhe keh us ki naak se khoon nikla hai aur tabeer denay waly ko bataye keh meri naak se khoon nikla hai to daleel hai keh bohat maal paega.

Aur agar dekhe aur bataye keh khoon meri naak kay andar jata hai to daleel hai keh us ka maal jaega, bayan karne walay ko chahiye keh sayel kay lafaz par tabeer bayan kare aur us ki baat ko faal main nagah main rakhay.

Aur agar koi shakhs dekhay keh us ki naak kay donon dozakh aik ho gay hain to daleel hai keh aqalmand aurat se malap karega, aur agar dekhe keh us ki naak ki konmpal kati gai hai to daleel hai keh us kay farzand kay khatnay hongay, aur baaz log kehtay hain keh us ki izzat aur martabay main nuqsan hoga.

Hazrat jabar maghrabi rahmatullah alaihe nay farmaya hai keh agar koi shakhs dekhe keh koi chease zarbardasti us ki naak main ghus gai hai to gussay aur naiki ki daleel hai, aur agar dekhe keh khoon naak se nikla hai aur us ka sara jisam khoon se alooda ho gia hai to daleel hai keh us ko maal haram milega.

Aur agar dekhay thora aur sabaz khoon us ki naak se nikla hai to daleel hai keh us ki aurat ka hamal saqat hoga, aur baaz ehl-e-tabeer nay farmaya hai keh wo shakhs darwaish ho jaega.

Aur agar dekhe keh khoon us ki naak se nikla hai aur wo khud khoon alood nahin howa hai to daleel hai keh farzand ya aurat ko ghar se nikalega ya un ko takleef dega aur agar dekhe keh us ki naak zameen par giri hai to daleel hai keh us kay han larki paida hogi.

Aur agar dekhe keh wo apni naak ko dhota hai to daleel hai keh koi shakhs us ki aurat ko faraib dega, aur agar dekhay keh us ki naak se murgh nikla hai to daleel hai keh us ka chopaya bacha janayga aur baaz ehl-e-tabeer kehtay hain keh naak se khoon ka aana maal hai, jo us ko us mulk kay badshah se hasil hoga.

Hazrat ismaeel ashat rahmatullah alaihe nay farmaya hai keh agar koi dekhe keh us ki naak hathi ki sond jitni ya us se kuch kam barhi hai to daleel hai keh usi qadar izzat aur martaba barhega aur us kay khawaish bhi izzat paengay.

Aur agar dekhe keh us ki naak main khushbu gai hai to daleel hai keh us kay haan farzand saleh paida hoga, aur agar dekhe keh us ki naak main bad boo gai hai to us ki taveel us kay khilaaf hai.

Hazrat Hafiz rahmatullah alaihe nay farmaya hai keh agar koi shakhs dekhay keh us ki naak nahin hai to daleel hai k koi us kay khawaishon main se marega, aur agar apni naak do naak dekhay to daleel hai keh us kay aur us kay ayal kay doraan ikhtelaaf parega, aur agar dekhay keh kisi nay us ko khushboo sunghai hai to daleel hai keh us ko us say nafa hasil hoga aur agar yeh khawab dekhnay wali aurat hai to daleel hai keh us kay han farzand salih paida hoga aur agar dekhay keh kisi nay badboo us ki naak kay nichay rakhi hai keh us ko us shaksh par gussa aega.

Hazrat jafar sadiq razi ALLAH hu anha nay farmaya hai keh khawab mein naak ka dekhna panch waja par hai, Awwal: izzat, Doom: maal, Soom: buzurgi, Chaharam: farzand, Pnajam: aish khush.

Advertisement

Leave a Reply

Your email address will not be published. Required fields are marked *

Back to top button