AlifKhwab Nama

Khwab mein Ashtar Oont Dekhnay Ki Tabeer

Advertisement

Ashtar

Khwab mein Ashtar Oont Dekhnay Ki Tabeer,

Hazrat ibn e sereen rahmatullah alaihe ne farmaya hai, agar koi shakhs khawab mein apny aap ko na maloom onth par dekhe ke wo dor raha hai to daleel safar hai aur agar dekhe keh onth ghoom raha hai, gham aur fikr hai keh apny raah mein ajaz hoga aur koi tadbeer na kar sake ga, aur agar onthani paye to aurat payega aur agar onthani bacha wali hai to aurat farzand wali karega, aur agar dekhe keh onth us ke piche daur raha hai to daleel hai gham hai aur agar dekeh keh onth nay us par sar phaira hai aur matee nahin hota hai to daleel hai keh ghamnak hoga.

Hazrat daniyal alai hissalam ne farmaya hai keh agar koi shakhs khwab mein dekhe keh onth mast ghazab nak par betha hai, to daleel hai keh us par koi bada aadmi qabza karega, aur agar dekhe keh onth key sath jang aur larai karta hai to daleel hai keh kisi mard ajmi kay sath dushmani hogi aur us kay sath jhagra hoga, aur agar dekhe keh onthon kay galay ko charata hai aur janta hai keh us kay apnay hain to daleel hai keh us ko mulk milega aur wo ehl e mulk par hakoomat karega.

Aur agar khawab mein dekhe keh onthani ka doodh dohta hai to daleel hai keh badshah se usi qadar maal o dolat paega aur agar dekhe keh doodh ki bajae onthani kay pastanon se khoon nikla hai to daleel hai k us ko haram maal milega.

Aur agar khwab mein dekhe keh kisi ney us ko onthani bakhshi hai ya us ne khud kharidi hai to daleel hai keh aurat karega ya kaneez kharidega.

aur agar khawab mein dekhe keh us ki onthani bhaag gai hai ya chori ho gai hai to daleel hai keh aurat se juda hoga ya un kay darmiyan jhagra parega.

Aur agar dekhe keh us ki onthani mar gai hai to daleel hai keh us ki aurat maregi, aur agar dekhe keh onthani ka bacha howa hai to daleel hai keh us kay farzand hoga aur maal barhega aur agar khawab mein onthani ko dekhe to daleel hai keh us ki murad puri hogi aur agar khwab mein dekhe keh onth ka gosht khata hai to daleel hai keh bimar hoga.

Hazrat karmani rahmatullah alahaihe ne farmaya hai keh agar koi khawab mein dekhe keh usay kisi ne bohat sa onth ka gosht diya hai to daleel hai keh usi qadar maal paega aur agar dekhe keh onth us kay sath baten karta hai to daleel hai keh us ko khair aur naiki pohanchegi.

Aur agar dekhe keh do onth pae hain to daleel hai keh maal milega aur agar dekhe keh kisi ne us ko onth dia hai to daleel hai keh us ki qadro qeemat par kisi se nafa paega.

Aur agar dekhe keh kisi qoum nay onth zibah kia aur us ka gosht banta hai to daleel hai keh us jaga ka sardar marega aur us ka maal taqseem karengay.

Hazrat ismaeel ashat rahmatullah alaihe ne farmaya hai keh agar koi khawab mein dekhe keh us kay pass bohat say onth hain aur sab us ki malk hain, agar onth arabi hain to arab mein badshah hoga aur agar onth ajmi hain to mulk e ajam mein badshah hoga, aur agar aurat khawab mein dekhe keh us nay onth khaya hai to daleel hai keh maal o naimat paega aur onth kay chamray ki bhi yehi daleel hai.

Baaz ehale tabeer ne bayan kia hai keh us aurat ko warasat milegi aur agar dekhe keh onth us kay sath baten karta hai to daleel hai keh us ko khair aur naiki pohanchegi.

Hazrat jafar sadiq razi ALLAH ho anha ne farmaya hai keh khwab mein onth ka dekhna das waja par, Awwal: ajami badshah, Doom: ameer shakhs, Soom: mard e moman, Chaharam: Seel, Panjam: fitna, Shisham: Abadi, Haftam: aurat, Hashtam: hajj, Naham: naimat, Daham: maal, aur arabi onth par aur ajami onth mard arabi par daleel hai, aur shatar bani ki daleel Sahib tadbeer aur walayt aur Kamon ko darust karne walay aur sanwarny waly ki daleel hai.

Advertisement

Leave a Reply

Your email address will not be published. Required fields are marked *

Back to top button